Ombudsman Aparatının nümayəndələri N hərbi hissəsində olublar

17:36 29.02.2024 Müəllif:Hafta.az
Yazını böyüt
Yazını kiçilt

Müdafiə Nazirliyi ilə Azərbaycan Respublikasının İnsan Hüquqları üzrə Müvəkkili (Ombudsman) Aparatı arasında imzalanan 2024-cü il üçün birgə tədbirlər planına əsasən, aparatın nümayəndələri N hərbi hissəsində olublar.

Müdafiə Nazirliyinin mətbuat xidmətindən verilən məlumata görə, nümayəndə heyəti hərbi hissənin ərazisindəki əsgər yataqxanası, yeməkxana, avtomobil parkı və digər obyektlərə baxış keçirib, şəxsi heyət üçün yaradılan şəraitlə tanış olublar.

Qonaqlar, həmçinin tibb məntəqəsində müalicə alan hərbi qulluqçuların sağlamlıq durumları, o cümlədən tibbi xidmətlə də maraqlanıblar.

Hərbi qulluqçularla keçirilən görüşdə onların hüquqlarının müdafiəsi, insan hüquqlarının qorunması vəziyyətinin öyrənilməsi və digər mövzularda fikir mübadiləsi aparılıb, şəxsi heyəti maraqlandıran suallar cavablandırılıb.

Aparatın nümayəndələri hərbi hissədə yaradılan şəraiti, hərbi qulluqçuların mənəvi-psixoloji vəziyyətini, eləcə də ideoloji işlə bağlı icra edilən tədbirləri müsbət qiymətləndiriblər.

Sonda Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi haqqında Azərbaycan Respublikası Prezidentinin Sərəncamının icrası ilə bağlı hərbi hissənin ərazisində müxtəlif növ ağaclar əkilib.

Oxunma sayı 41