Pəncabın keçmiş baş naziri və Pakistan Müsəlman Liqasının (PML-N) vitse-prezidenti Həmzə Şahbaz bildirib ki, Nəvaz Şərif Pakistan dövlətinin və xalqın dərdlərinə yeganə dərmandır.
Hafta.az-ın dunyanews.tv-yə istinadən yazdığına görə, partiya təşkilat qanadlarının iclasında çıxış edən Pəncabın keçmiş baş naziri Həmzə Şahbaz deyib ki, xalq Nəvaz Şərifi baş nazir edəndə rahat nəfəs ala biləcək.
"Nəvaz Şərif Pakistanın və xalqın dərdlərinin dərmanıdır, çünki Nəvaz Şərif həmişə Pakistan üçün çalışıb", - o deyib.
“Pakistanın şərəfi, yüksəlişi və inkişafı planı yalnız Nəvaz Şərifin üzərində idi. Nəvaz Şərif xidmətin və namusun adıdır” Həmzə Şahbaz əlavə edib.
O, daha sonra deyib ki, xalq verəcəyi səslə Nəvaz Şərifi baş nazir etmir, öz xoşbəxtliyini təmin edir.
-1782311317.jpg&h=173&w=263&zc=1&q=80)
