Qərb kəşfiyyatı güman edir ki, Rusiya Ukraynanın şərqindəki Baxmut şəhərini ələ keçirmək üçün ən azı 60 mindən çox hərbi qulluqçusunu qurban verib.
Hafta.az-ın “Sky News”a istinadən verdiyi məlumata görə, bu barədə jurnalistlərə adının açıqlanmasını istəməyən Qərb rəsmisi bildirib.
"Hesab edirik ki, Baxmutun ələ keçirilməsi, yəqin ki, bir illik döyüş zamanı Baxmut-Popasnaya sektorunda Rusiyaya ən azı 60 min itki bahasına başa gəlib", - o deyib.
O, deyib ki, 60 min həm yaralılar, həm də ölülər daxil olmaqla cəbhənin bu hissəsində Rusiya itkilərinin "mühafizəkar təxmini"dir. Rəsmi əlavə edib ki, onlardan ən azı 20-25 mini ölüdür.
Jurnalistlərin həmsöhbəti şəhəri “strateji baxımdan əhəmiyyətsiz” kimi qiymətləndirərək əlavə edib ki, Qərbin fikrincə, “Ukrayna bölmələri şəhərin əsas tikilmiş hissəsindən geri çəkilib”.
"Biz görürük ki, "Vaqner" PMC-nin qüvvələri ən azı indiyə kimi Baxmutdan geri çəkilmə prosesindədir. Bu güc elementlərinin dəyişdirilməsi Rusiyanın onsuz da həddən artıq yüklənmiş nizami qüvvələrinin ciddi səylərini tələb edir", - rəsmi qeyd edib.
Qərb rəsmisinin sözlərinə görə, Ukrayna ilə müharibədə Rusiya itkilərinin ümumi sayı 200 mini ötüb.
Mayın 21-nə keçən gecə Rusiya Müdafiə Nazirliyi aylarla davam edən hücum kampaniyasından sonra Baxmutun ələ keçirildiyi barədə məlumat verib. Ukrayna tərəfinin ordunun Baxmutun bir hissəsinə nəzarəti davam etdirdiyini iddia edilir.
-1781531564.jpg&h=173&w=263&zc=1&q=80)
