Çin hərbi sektorunun alimləri yüksək enerjili lazerlərin çox istiləşmədən “əbədi” işləməsinə imkan verəcək texnologiya hazırladıqlarını iddia ediblər.
Hafta.az-ın “South China Morning Post”a istinadən yazdığına görə, Milli Müdafiə Texnologiyaları Universitetinin tədqiqatçıları tərəfindən hazırlanmış bu silah əslində soyutma sistemidir. Sözügedən sistem lazerlərin heç bir tullantı istilik yığmamasını təmin edəcək.
İxtira lazer silahı texnologiyasında böyük bir irəliləyiş ola bilər. Çünki lazerlərin işləməsi zamanı yaranan zərərli istilik bu texnologiya ilə istehsal olunacaq silahlar üçün mühüm texniki problemdir.
Lazer texnologiyası onilliklər ərzində mövcud olsa da, bu yüksək enerjili şüalar o qədər çox istilik yaradır ki, silah sistemlərinin yaradılması səylərini zəiflədir. Bununla belə, iddialara görə, Çinin yeni soyutma sistemi artıq istiliyi aradan qaldırmaq üçün silahdakı qazdan istifadə edəcək. Bu, silahlara gücünü itirmədən qeyri-məhdud müddət ərzində dəqiq lazer şüalarını atəşə tutmağa imkan verəcək.
Çin dilində nəşr olunan “Acta Optica Sinica” elmi jurnalında dərc olunan məqalədə belə deyilir: “Yüksək keyfiyyətli şüalar yalnız ilk saniyədə istehsal edilə bilməz. O həmçinin qeyri-müəyyən müddətə saxlanıla bilər”.
Məlumdur ki, ABŞ hərbi qurumları oxşar texnologiyalar üzərində işləyir. Lakin bu günədək kifayət qədər irəliləyiş əldə olunmayıb.
Böyük Britaniya ordusunun keçmiş zabiti Stiv Viver son inkişafla bağlı tvitində "Xəbər doğrudursa, Çin ABŞ-ı birdən çox cəhətdən qabaqlaya bilər" deyib.
“Çin alimləri istilik və deqradasiya problemlərini aradan qaldırıblarsa, bu, böyük bir irəliləyişdir. Xüsusilə ABŞ-ın bu sahədəki uğursuzluqlarını nəzərə alsaq”, - Viver əlavə edib.
-1781531564.jpg&h=173&w=263&zc=1&q=80)
