Separatçı-terrorçu və işğalçı rejim başçısı Araik Arutyunyan artıq 1 il iki aydır ki, Azərbaycan dövləti tərəfindən İnterpol vasitəsilə beynəlxalq axtarışa verilib
Bu gün dekabrın 17-də Azərbaycan Respublikasının Yuxarı Qarabağ torpaqlarının Rusiya hərbi kontingentinin nəzarətində qalan hissəsində quyruq bulayan separatçı-terrorçu rejimin başçısı Araik Arutyunyan İstintaq Komitəsinin sədri Argişti Kərəmyanın başçılıq etdiyi nümayəndə heyətini qəbul edib.
Hafta.az xəbər verir ki, bu haqda Xankəndindəki separatçı nəşrlər məlumat yayıb.
Laçın dəhlizindəki Rusiya hərbçilərinin razılığıyla Azərbaycan dövlət sərhədini pozaraq Xankəndinə gəlmiş erməni nazirlə görüşdə qondarma separatçı xunta ilə “Ermənistan Respublikasının müvafiq strukturları arasında qarşılıqlı əlaqələrin və çoxtərəfli əməkdaşlığın genişləndirilməsi ilə bağlı məsələlər müzakirə edilib”.
Qeyd edək ki, bu ilin avqustunda Ermənistan İstintaq Komitəsinin keçmiş sədri Ayk Qriqoryanın başçılıq etdiyi nümayəndə heyəti də Xankəndində olub...
Xatırladaq ki, separatçı-terrorçu və işğalçı rejim başçısı Araik Arutyunyan artıq 1 il iki aydır ki, Azərbaycan dövləti tərəfindən İnterpol vasitəsilə beynəlxalq axtarışa verilib...
-1781888309.jpg&h=173&w=263&zc=1&q=80)
