“Gürcüstana qarşı ədalətsiz və saxta ittihamlar yayırlar. Təəssüf ki, bunu dostlardan da eşidirik. Buna baxmayaraq, ölkə obyektiv qiymətləndirmələrdə həmişə qabaqcıl mövqelərdədir”.
Hafta.az-ın yazdığına görə, bunu Gürcüstan parlamentinin spikeri Şalva Papuaşvili deyib.
Papuaşvilinin qeyd etdiyi kimi, Gürcüstan iqtisadi inkişaf baxımından bütün Aİ ölkələrini qabaqlayır.
“Biz kənardan ultimatumlar eşidirik və təəssüf ki, o artıq hər tərəfdən gəlir. Rusiyadan öyrəşmişdik, onillikləri belə keçirdik, Gürcüstan bu şəraitdə inkişaf edirdi. Xüsusən də son 2-3 ildə bu zərbələr çox təəssüf ki, dostlarımızdan da gəlir. Gürcüstana qarşı haqsız, saxta ittihamlar, yalan xəbərlər yayılır. Bu ədalətsiz mühitə baxmayaraq, millətimiz, dövlətimiz, dövlət qurumlarımız nə qədər güclüdür ki, biz ordan-burdan silkələmək nə məcburiyyətində qalsaq da, sonda obyektiv qiymətləndirmələr aparılanda həmişə öndəyik. Biz institusional inkişaf baxımından irəlidəyik və bütün reytinqlər bunu təsdiqləyir. İqtisadi inkişaf baxımından da irəlidəyik. Biz iqtisadi inkişaf baxımından bütün Avropa İttifaqı ölkələrindən üstünük, hamının bizi nə qədər incitməsindən asılı olmayaraq, Avropada birinciyik. Bu şəraitdə belə nəticələr əldə etməyimiz bir daha millətimizin və dövlətimizin gücünü göstərir”, - deyə Şalva Papuaşvili bildirib.
