İranın ölkəmizdəki səfirliyi Xankəndi şəhərində xüsusi idman yarışlarının keçirilməsi ilə bağlı bəyanat yayıb.
Hafta.az-ın yazdığına görə, bəyanatda deyilir: "Özünü İran vətəndaşı kimi təqdim edən bir neçə şəxsin dekabrın 28-də Azərbaycan Respublikasının Xankəndi şəhərində döyüş yarışlarında iştirakı ilə bağlı bildirmək istərdik ki, İran İslam Respublikasında MMA (qarışıq döyüş növləri) qeyri-ənənəvi döyüş idmanı zorakılıq səbəbi ilə, həmçinin mərclə əlaqəsi olduğu üçün rəsmən tanınmır və qadağan olunmuş oyunlar sırasındadır. Buna görə də, bu döyüş növünün İran İslam Respublikasında heç bir federasiyası yoxdur. Bu sahə ilə məşğul olanlar isə gizli və qeyri-qanuni fəaliyyət göstərirlər".
Bəyanatda qeyd olunur ki, dekabrın 28-də Azərbaycan Respublikasının Xankəndi şəhərində keçirilən yarışların iştirakçılarının İran İslam Respublikasının İdman Nazirliyi ilə heç bir əlaqəsi yoxdur və onlar dünyanın istənilən yerində qeyri-qanuni olaraq yarışlarda iştirak edirlər.
"Səfirlik bu şəxslərin Xankəndi şəhərində adıkeçən qanunsuz yarışlarda iştirakı ilə İran İslam Respublikasının İdman və Gənclər Nazirliyinin siyasəti arasında əlaqənin olmadığını bir daha vurğulayır", - bəyanatda bildirilir.
-1781888309.jpg&h=173&w=263&zc=1&q=80)
