İstanbulda Ukrayna və Rusiya nümayəndə heyətləri arasında danışıqlar yekunlaşıb.
Hafta.az xəbər verir ki, əvvəlcə nümayəndə heyətlərinin rəhbərləri görüşüb, ardınca geniştərkibdə danışıqlar davam etdirilib.
Rusiya və Ukrayna təmsilçilərinin növbəti görüşü Dolmabağça sarayında baş tutub. Hələlik danışıqların detalları məlum deyil.
***
Türkiyənin İstanbul şəhərində Ukrayna və Rusiya nümayəndə heyətləri rəhbərlərinin görüşü başlayıb.
Hafta.az xəbər verir ki, bu barədə Ukrayna Prezident Ofisi rəhbərinin müşaviri Mixail Podolyak tviter səhifəsində yazıb.
“Hazırda Ukrayna nümayəndə heyətinin üzvü David Araxamia və Rusiya prezidentinin köməkçisi Vladimir Medinski görüşür. Onlar danışıqlar prosesinin əsas müddəaları haqqında müzakirə aparacaqlar”,-Podolyak bildirib.
Qeyd edək ki, bu gün Rusiya və Ukrayna nümayəndə heyətləri İstanbulda görüş keçirirlər.
