Rusiyanın Federal Təhlükəsizlik Xidməti Baltikyanı ölkələrin Holokost zamanı hərəkətlərini əks etdirən bəzi sənədlərin məxfiliyini ləğv edib.
Hafta.az-ın RİA-ya istinadən yazdığına görə, 1941-ci ildə faşist işğalı altında olan Estoniya, Latviya və Litva sakinlərinin işğalçı qüvvələrlə bərabər on minlərlə yəhudinin ölümündə rolu olub.
Rusiyanın Ukraynanı çox güclü dəstəkləyən üç ölkə ilə bağlı yaydığı sənədlərdə nasistlərin litvalıların antisemitizm ideologiyasını böyük vəhşiliklə qəbul etmələrinə təəccübləndikləri təfərrüatlı şəkildə qeyd olunub.
"Alman qoşunları Litva ərazisinə daxil olanda litvalıların yəhudilərə qarşı nifrəti təsirli qırğınlara yol açdı. Bu qırğınlar nəticəsində Kaunasda 3800, kiçik şəhərlərdə isə 1200 yəhudi öldürülüb", - RİA-nın xəbərində deyilir.
İddia olunurdu ki, Litvada işğaldan sonra 8 nəfərlik kiçik qruplar yaradılıb və bu dəstələrə rayon-rayon gəzərək yəhudiləri öldürmək tapşırılıbmış.
Xəbərə görə, Litvada cəmi 136421 adam öldürülüb, 20 min adam isə qul olaraq işlədilmək üçün sağ saxlanılıb.
RİA-nın xəbərlərində müharibədən əvvəl Estoniyada 2 minə yaxın yəhudinin yaşadığı, lakin müharibədən sonra onlardan heç birinin ölkədə qalmadığı paylaşılıb. Xəbərdə həmçinin Hitlerin 1942-ci ildə estonlardan ibarət SS birliyi qurduğu və Belarusun paytaxtı Minskdə yəhudilərin ölümünə bu bölmənin cavabdeh olduğu bildirilib. “Jerusalem Post”un Dünya Yəhudi Konqresindən (WJC) verdiyi məlumata görə, Estoniyada yaşayan təxminən 3 min yəhudi Almaniyanın uzun müddətdir bölgəni işğal etməsindən istifadə edərək bu ölkədən qaçmağı bacarıb.
WJC bildirdi ki, Estoniya polisi nasist qüvvələri ilə əməkdaşlıq edərək təxminən 1000 yəhudini öldürüb.
Latviyada da yəhudilər “geniş təmizləmə” adlı əməliyyat çərçivəsində öldürülüb. Latviya polisinin elit bölmələri tərəfindən yaradılmış xüsusi dəstələrin keçirdiyi əməliyyatlar çərçivəsində 1941-ci il noyabrın 9-da 11 min yəhudi edam edilib. Dekabrda Riqada daha 27800 yəhudi edam cəzasına məhkum edilib. Bir neçə gün sonra Libauda 2350 yəhudi qətlə yetirilib.
Xəbərdə, "Ümumi əmrlərə uyğun olaraq Şərqdə sistemli təmizlənmənin məqsədi bölgədəki yəhudilərin tamamilə məhv edilməsi idi. Bu məqsədə əsas etibarilə nail olunub" deyilir
-1782311317.jpg&h=173&w=263&zc=1&q=80)
