Norveç hakimiyyəti Rusiya səfirliyinin 15 əməkdaşını persona non qrata elan edib. Bu barədə cümə axşamı Norveç Xarici İşlər Nazirliyinin yaydığı bəyanatda deyilir.
Xarici işlər naziri Anniken Huitfelt, "Onlar diplomatik statuslarına uyğun gəlməyən fəaliyyətlə məşğul olduqları üçün persona non-qrata elan ediliblər" deyib.
Norveç Xarici İşlər Nazirliyinin dəqiqləşdirdiyi kimi, Rusiya səfirliyinin 15 əməkdaşı diplomatik pərdə altında krallıqda kəşfiyyat fəaliyyəti həyata keçirib. Onlardan Norveçi mümkün qədər tez tərk etmələri tələb olunacaq, bəyanatda deyilir. Xarici İşlər Nazirliyinin rəhbəri vurğulayıb ki, Norveç hakimiyyəti Rusiya xüsusi xidmət orqanları ilə əməkdaşlıqda şübhəli bilinən ruslara viza verməyəcək. Eyni zamanda o qeyd edib ki, ölkə “həmişə rus diplomatlarını alqışlayır” və Norveç “Rusiya ilə normal diplomatik münasibətlər saxlamaq istəyir”.
