Korrupsiyaya qarşı seçki kampaniyası ilə tanınan solçu namizəd Bernardo Arevalo bazar günü Mərkəzi Amerika ölkəsi Qvatemalada keçirilən seçkidə qalib gəlib.
Hafta.az-ın “Wall Street Journal”a istinadən yazdığına görə, keçmiş prezidentin oğlu, eks diplomat 64 yaşlı Arevalo 58 faiz, onun rəqibi, keçmiş “birinci xanım” Sandra Torres isə 37 faiz səs toplaya bilib.
Arevalonun seçkilərdə qələbəsi ölkədə zorakılığın və ərzaq təhlükəsizliyinin kəskinləşdiyi və qvatemalıların ABŞ-a mühacirət etməyə çalışdığı bir vaxta gəldi.
Seçki kampaniyası zamanı Arevalo “korrupsionerlərin idarə etdiyi qurumları ləğv edəcəyini” söz verib və son illər “ədalət uğrunda mübarizə aparmaq üçün” ölkədən getmiş prokurorları, hakimləri və jurnalistləri geri çağırıb.
Seçkinin nəticələrindən sonra çıxış edən Arevalo, "Zəfər Qvatemala xalqına məxsusdur. İndi Qvatemala xalqı olaraq korrupsiyaya qarşı birlikdə mübarizə aparacağıq" deyib.
Ölkədə "demokratiya baharı" termini Arevalonun atası Xuan Xose Arevalonun 1945-ci ildə Qvatemalanın ilk seçilmiş lideri olmasından sonrakı 10 il ərzində baş verən dəyişiklik və sosial tərəqqi prosesini təsvir etmək üçün istifadə olunur.
Paytaxt Qvatemalada "Las Americas" otelinin qarşısına toplaşan Arevalo tərəfdarları seçkilərdəki qələbənin daha yaxşı gələcək gətirəcəyinə ümid etdiklərini bildiriblər.
-1781531564.jpg&h=173&w=263&zc=1&q=80)
