Ukraynanın baş naziri Denis Şmıqal elektrik təchizatına raket zərbələrindən sonra ölkədə vəziyyətin stabilləşdiyini bildirib.
İstehlakçılar üçün elektrik kəsilməsinin artıq tətbiq olunmadığını söyləyib.
“Dünən biz 10-12 oktyabrda enerji infrastrukturumuza edilən hücumlardan sonra bütün ölkə üzrə enerji təchizatını sabitləşdirə bildik. Dünən məcburi istehlak məhdudiyyətləri qrafiki artıq tətbiq olunmayıb. Hazırda enerji sistemimiz stabil işləyir”, - Şmıxal bildirib.
Bununla belə, baş nazir vurğulayıb ki, mərmilərdən sonra enerji sisteminin ötürmə qabiliyyəti azalıb, ona görə də fövqəladə halların qarşısını almaq üçün yükü azaltmaq lazımdır. Bununla bağlı o, əlavə edib ki, ukraynalılar üçün elektrik enerjisi istehlakının könüllü şəkildə azaldılması tələbi aktual olaraq qalır.
