ABŞ-ın keçmiş prezidenti Donald Trampın vəkilləri ABŞ Ədliyyə Nazirliyini Floridadakı Mar-a-Laqo iqamətgahında məxfi sənədlərlə bağlı işinə görə ittiham etməməyə inandırmağa çalışıblar. Bu barədə The Wall Street Journal (WSJ) məlumat yayıb.
Qəzet mənbələrə istinadən yazır ki, vəkillər bu məsələni müzakirə etmək üçün məmurlarla görüşüblər. İclasda iştirak edən prokuror Cek Smit artıq istintaqını yekunlaşdırıb. O, bir çox sübutları, xüsusən də Trampın İrana mümkün hücumla bağlı Pentaqonun gizli sənədini saxladığını etiraf etdiyi lent yazısını öyrənib.
Qeyd olunur ki, Smit üçün işləyən prokurorlar Trampın bir çox köməkçisini və digər şahidləri dindiriblər. Hüquq-mühafizə orqanları bildiriblər ki, prokurorluq komandası Trampın məxfi məlumatlar haqqında bildiyini, lakin bu barədə məlumatı olmayan insanlara danışdığını sübut edə bilsə, bu, cinayət işini gücləndirə bilər.
Trampın evində gizli sənədlərin tapılması faktı ötən il avqustun 13-də FTB əməkdaşlarının orada axtarışlar aparmasından sonra məlum olub. İndi məlum olur ki, o, həqiqətən də dövlət sirri olan sənədləri gizlədib.
