Yazını böyüt
Yazını kiçilt
Kişi həndbolçulardan ibarət “Kür” komandası Avropa Kubokunda növbəti oyununu keçirib.
Hafta.az xəbər verir ki, Mingəçevir təmsilçisi 1/16 final mərhələsinin cavab matçında İslandiyanın “Haukar” komandası ilə qarşılaşıb.
Mingəçevirdəki “Kür” Olimpiya İdman-Tədris Mərkəzində oynanılan qarşılaşmanı Moldovadan olan referilər – Kristina Sirbu və Viktor Serdiuç idarə ediblər. Görüşün EHF (Avropa Həndbol Federasiyası) nümayəndəsi isə türkiyəli Kənan Gökmən olub.
İlk matçda rəqibinə 25:30 hesabı ilə uduzan Azərbaycan çempionu cavab görüşündən də məğlub ayrılıb. Meydandan 38:27 hesabı ilə qalib ayrılan qonaqlar növbəti mərhələyə adlayıblar. "Kür" isə mübarizəni dayandırıb.
-1780725761.jpg&h=173&w=263&zc=1&q=80)
