İbrahim Tatlısəsin müğənni qızı Dilan Çıtak Dörtər Türk Hava Yollarının Bodrum-İstanbul reysində pişiyini daşıyıcı çantaya qoyması barədə xəbərdarlıq edən kabin işçisinə əl qaldırıb. Zorakılığa məruz qaldığını iddia edən stüardessa şikayət edib.
Hafta.az yazır ki, uçuş zamanı Dilan Çıtak Dörtər pişiyi üçün lazımi tədbir görmədiyinə görə, THY-nin kabin heyəti tərəfindən xəbərdarlıq edilib. Uçuş zamanı ev heyvanlarının uyğun çantada saxlanmasının məcburi olduğu vurğulanıb.
Dilan Çıtak Dörtər pişiyini uşaq arabasından çıxararaq kabin heyətinin qoyduğu qaydalara tabe olmaqdan imtina edib. THY siyasətlərinə görə, ev heyvanlarının yalnız uyğun çantalarda səyahət etməli olduğu ciddi qaydalar var. Lakin Dilan Çıtak Dörtər bu qaydalara əməl etməkdən boyun qaçırıb və kabin heyətinin xəbərdarlığına baxmayaraq, pişiyini başqa üsulla daşımağa cəhd edib.
Qaydalara əməl etməyən Dilan Çıtak Dörtər kabin heyəti üzvü ilə fikir ayrılığı zamanı şifahi mübahisəni bir addım irəli atıb. Verilən açıqlamalara görə, müğənni inadla öz metodunu tətbiq etməyə çalışıb və məmura qarşı fiziki zorakılıq tətbiq edib.
Bu hadisədən sonra pilotun vəziyyəti dərk etməsi və uçuşun təhlükəsizliyi üçün lazımi tədbirləri görməsi vacib idi. Uçuş İstanbul Hava Limanına çatdıqdan sonra Dolan Çıtak Dörtər polisin müşayiəti ilə təyyarəni tərk edib. Bu proses zamanı uçuş heyətinin və digər sərnişinlərin təhlükəsizliyini təmin etmək üçün sürətli və effektiv müdaxilə olunub.
THY-nin stüardessası hadisə ilə bağlı hava limanının polis bölməsi ilə əlaqə saxlayıb və rəsmi şikayət edib. Dilan Çıtak Dörtər hava limanında verdiyi açıqlamadan sonra sərbəst buraxılsa da, THY artıq hüquqi proses başladıb.
