Avropa inflyasiyanın azaldılması ilə bağlı Amerika qanununun yanvarın 1-dən qüvvəyə minməsi ilə bağlı ABŞ-a “ciddi cavab vermək” niyyətindədir. Politico yazır ki, Aİ səlahiyyətlilərinin nəzərdən keçirdiyi tədbirlər transatlantik ticarət müharibəsinə səbəb ola bilər.
Qəzet qeyd edir ki, ümumilikdə Avropada və xüsusilə Almaniyada “Vaşinqtonun sülh sazişi təklif etməməsindən məyus olublar”. Avropanın narahatlığı yanvarın 1-də qüvvəyə minən ABŞ-da yaşıl biznesləri dəstəkləmək üçün 369 milyard dollarlıq subsidiyalar və vergi güzəştləri paketindən qaynaqlanır.
Vergilərin azaldılmasını, ABŞ-da açılan müəssisələr üçün enerji təchizatı sahəsində güzəştləri nəzərdə tutan İnflyasiyanın Azaldılması Aktı avqust ayında ABŞ prezidenti Co Bayden tərəfindən imzalanıb. Avropalılar üçün bu qanun təhlükəlidir, çünki şirkətləri investisiyaları Avropadan köçürməyə sövq edə bilər. Bu, Fransa və Almaniya kimi böyük AB avtomobil istehsalçılarını hiddətləndirir.
ABŞ qanunlarına cavab olaraq Avropada nəzərdən keçirilən mümkün addımlar ÜTT-də "əsasən simvolik" etirazlar ola bilər. Bununla belə, "toqquşma asanlıqla ABŞ-ın keçmiş prezidenti Donald Trampın dövründəki tarif döyüşlərinə qayıda bilər", - qəzet yazır. Politico vurğulayır: "Baydenin getdikcə çətin görünən atəşkəs üçün vaxtı tükənir".
