Avropa İttifaqı (Aİ) ölkələrində ölənlərin sayı doğulanlardan çox olsa da, miqrasiya səbəbindən 2023-cü ildə əhalinin sayı artıb.
Hafta.az-ın “Reuters”ə istinadən yazdığına görə, 27 ölkədən ibarət Aİ-nin əhalisi qlobal koronavirus epidemiyasının təsiri ilə 2020 və 2021-ci illərdə azaldıqdan sonra ardıcıl ikinci il artaraq ötən il 447,6 milyondan 449,2 milyona yüksəlib.
Aİ-nin statistika agentliyi olan “Eurostat” bəyan edib ki, xalis miqrasiyaya Rusiya ilə müharibə səbəbindən Ukraynadan köçən insanlar daxildir.
Əhalinin "təbii" komponenti, yəni doğumların sayından ölənlərin sayı, 2012-ci ildən Avropada doğum səviyyəsi azaldığından durğun və ya mənfi olub. Ölümlərin sayının doğum sayından çox olması əhalinin qocalması ilə yanaşı, məşğulluq çatışmazlığı və sosial dövlətin gələcək maliyyələşdirilməsi ilə bağlı narahatlıqlar yaradıb.
