İş həyatı bir çox insanın sağlamlığına ciddi zərər verə bilər. Ümumdünya Səhiyyə Təşkilatının (ÜST) məlumatına görə, 2020-ci ildə dünyada bel problemi olan insanların sayı 619 milyona çatıb. Əlilliyin də əsas səbəbi bel ağrısı ilə bağlı olub.
Hafta.az-ın “The Guardian”a istinadən yazdığına görə, boyun, kürək və bel ağrılarının qarşısını almağın 5 yolu aşağıdakıardır:
1. Aktiv olun.
Tədqiqatlar göstərir ki, məşq həm onurğada olan fəqərəarası disklərə vacib qida maddələrinin çatdırılmasında, həm də bu bölgədəki əzələlərin inkişafında mühüm rol oynaya bilər.
Nottinghamda onurğa cərrahı olan Maykl Qrevitt boyun, kürək və bel ağrıları haqqında deyir: "Daimi aerobika, yəqin ki, onların qarşısını almağın ən yaxşı yoludur".
Ürək ritmini sürətləndirəcək gəzinti, qaçış, velosiped sürmək və üzgüçülük kimi fəaliyyətlər faydalıdır. Bununla belə, hamstring və iliac əzələlərini uzatan məşqlər xüsusilə vacibdir.
Doktor Stiven Humble isə gərgin idman edən insanlarda yırtıqların da müşahidə edildiyini vurğulayaraq mötədilliyə çağırır.
Professor Peter O'Sullivan istirahət, yuxu, sağlam qidalanma və psixi sağlamlığın vacibliyinə diqqət çəkir.
2. Siqareti buraxın.
Bir çox araşdırmalar göstərir ki, siqaret çəkmək həm boyun, həm də kürək nahiyəsində problemlərə səbəb olur. Qrevitt deyib: “Siqaretin fəqərəarası disklərə qan axınını azaltdığı və pisləşmə sürətini artırdığı göstərilib. Məhz buna görə də bel ağrısı siqaret çəkənlərdə daha çox olur.
Təqaüdçü cərrah Filip Sell piylənmənin vacib amil olduğunu bildirir.
3. Kreslodan qalxın.
Qrevitt bu təklifi dəstəkləyir: “Biz ovçuluq və yığıcılıqdan inkişaf etdik, ona görə də dizaynımız bütün günü kompüter qarşısında oturmaq və ya telefonlara baxmaq üçün deyil.
Filip Sell deyir ki, onurğaya stress qoymağın ən yaxşı yolu ayaq üstə durmaqdır. Bu səbəblə stolüstü işləyirsinizsə, hündürlüyü tənzimlənən bir model seçib işinizi ayaq üstə görsəniz daha yaxşı olar. Bu mümkün deyilsə, bel və omba nahiyələrini dəstəkləyən stullardan istifadə etmək lazımdır. Ancaq kresloda oturarkən necə dayandığınız da vacibdir. Məsələn, irəli əyilmək boyun əzələlərini gərginləşdirə bilər.
O'Sullivan həmçinin stuldan qalxmağın və tez-tez hərəkət etməyin vacibliyini vurğulayır.
4. Bir şeyi qaldırarkən diqqətli olun.
Böyük Britaniyada fəaliyyət göstərən Unison ittifaqının məlumatlarına görə, ölkədə hər il 300 min insan ağır yük qaldırma səbəbiylə problem yaşayır. Bu səbəbdən ağırlıq qaldırarkən dizləri əymək və hər iki əldən istifadə etmək vacibdir.
5. Ağrı hiss etdiyiniz zaman yataqda uzanmayın.
"Yataqda nə qədər çox qalsan, bir o qədər zəifləyirsən" deyə Qrevit xəbərdarlıq edib. O bildirib ki, ağrıdan qaçmaq üçün hərəkətsiz qalmaq bədəndəki əzələləri zəiflədir. O, idmanın vacibliyini bir daha vurğulayır.
