Bakı-Salyan yolundakı qəzada həlak olanların sayı 4 nəfərə çatıb.
Hafta.az xəbər verir ki, hadisə zamanı yaralanan 3 yaşlı uşaq xəstəxanaya aparılan zaman vəfat edib.
Məlumata görə, qəza nəticəsində daha 2 nəfər yaralanıb.
***
Bakı-Salyan yolunda ölümlə nəticələnən ağır yol-nəqliyyat hadisəsi baş verib.
Daxili İşlər Nazirliyinin Baş Dövlət Yol Polisi İdarəsindən hafta.az-a verilən məlumata görə, hadisə magistral yolun 29-cu kilometrliyində qeydə alınıb.
İlkin məlumata görə, “Hyundai Accent” markalı 99-TN-320 dövlət nömrə nişanlı avtomobil xarab olaraq yolun kənarında dayanıb. Eyni istiqamətdə hərəkətdə olan “KamAZ” markalı 42-BM-084 dövlət nömrə nişanlı avtomobil ona çırpılıb. Hadisə nəticəsində “Hyundai Accent” avtomobilində olan üç nəfər qadın sərnişin həlak olub. Sürücü 1 qadın və 1 azyaşlı uşaq isə xəsarət alıb.
-1781546849.jpg&h=173&w=263&zc=1&q=80)
