Hindistanın Madhya Pradesh əyalətində bir tibb işçisi eyni şprislə 30 tələbəyə Covid-19 peyvəndi tətbiq etdikdən sonra ona qarşı səhlənkarlıq maddəsi ilə iş açılıb.
Hindistanın Madhya Pradesh əyalətinin Saqar rayonunda tələbələrə Covid-19 peyvəndi vurulduğu bir məktəbdə feldşer Jitendra Rai eyni şprislə 30 şagirdə Covid-19 peyvəndi tətbiq edib. Vəziyyəti görən valideynlər məktəb rəhbərliyinə məlumat veriblər.
Feldşer Rai tibb işçisi tərəfindən cəmi 1 şpris verildiyini və ona verilən əmrlərə əməl etdiyini bildirib. Madhya Pradesh Əyalət Səhiyyə Nazirliyi, feldşer Raiyə qarşı səhlənkarlıq işi açıldığını və peyvəndin tətbiqi üçün avadanlıqların göndərilməsinə cavabdeh olan səhiyyə işçisinə qarşı istintaq başladıldığını bildirib.
Hindistanda İİV kimi ölümcül xəstəliklərin yayılmasının qarşısını almaq üçün birdəfəlik şprislərdən geniş istifadə edildiyi və avadanlıq çatışmazlığı səbəbindən xəstəxanalarda əvvəllər tək şprisdən təkrar istifadə edildiyi qeyd edilib. Hindistan Səhiyyə Nazirliyinin Covid-19 peyvəndləri üçün "bir iynə, bir şpris, yalnız bir dəfə" protokolunu məcburi etdiyi və Hindistanda indiyədək 2,3 milyarddan çox insanın Covid-19 peyvəndi edildiyi öyrənilib.
