Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyevin “Rusiya-Sovet məskunlaşdırma siyasəti və Cənubi Qafqazda münaqişə” adlı kitabı nəşr olunub.
Hafta.az-ın yazdığına görə, kitabda Çar Rusiyası və Sovet İttifaqı tərəfindən Cənubi Qafqazda, xüsusilə Azərbaycanda həyata keçirilən köçürmə siyasəti, bununla əlaqədar regionda müşahidə edilən sosial-demoqrafik proseslər, o cümlədən ermənilərin Qarabağ və İrəvan xanlıqlarında məskunlaşdırılması, XX əsrin əvvəllərində baş vermiş etnik münaqişələrin səbəbləri və nəticələri, eləcə də 1948-1953-cü illər ərzində azərbaycanlıların Ermənistandan deportasiyası müvafiq fəsillər üzrə nəzərdən keçirilir.
Kitab tarixçilər, siyasətçilər, tələbələr və geniş oxucu kütləsi üçün nəzərdə tutulub.
Kitabın tezliklə geniş ictimaiyyət üçün təqdimatı keçiriləcək.
