Fövqəladə Hallar Nazirliyi (FHN) əhalini işğaldan azad olunmuş ərazilərə qanunsuz səfərlərdən çəkindirmək məqsədilə Ağdamda maarifləndirici tədbir keçirib.
Hafta.az apa-ya istinadən xəbər verir ki, nazirliyin əməkdaşları Ağdamın Quzanlı qəsəbəsində yerli əhali ilə görüşüb.
FHN-nin İctimaiyyətlə əlaqələr idarəsinin əməkdaşı Turqay Abbaslı jurnalistlərə açıqlamasında bildirib ki, işğaldan azad olunmuş ərazilərə qanunsuz yollarla gedən mülki şəxslər arasında minaya düşərək həlak olan və yaralananların olduğunu nəzərə alaraq, belə səfərlərin təhlükəsi barədə əhalinin maarifləndirilməsi zərurəti yaranıb.
Abbaslı həmçinin qeyd edib ki, maarifləndirmə işlərinin daha geniş auditoriyaya çatdırmaq üçün bu tədbirlərin işıqlandırılması, xüsusilə də insanları işğaldan azad olunmuş torpaqlara qanunsuz səfərlərdən çəkindirilməsi məqsədilə kütləvi informasiya vasitələrinin də köməkliyindən istifadə olunacaq.
