ABŞ-ın Florida ştatındakı hava limanında İkinci Dünya Müharibəsindən qalma 500 kiloqramlıq bomba tapılıb, New York Post yazır.
Bomba regional hava limanında təmir işləri aparılan zaman aşkar edilib. Sursatları tikinti işçiləri polisə zəng edərək tapdıqlarını bildiriblər. Gələn ekspertlər qeyd ediblər ki, mərmi bərbad vəziyyətdə olduğundan onun təhlükəli olub-olmadığını gözləri ilə müəyyən edə bilməyiblər.
Ehtiyat tədbiri olaraq, polis aşkar edilmiş cihazdan bütün istiqamətlərdə təxminən bir kilometr ərazini boşaldıb və nəqliyyatın hərəkətini bağlayıb.
Minatəmizləmə qrupu tapılan bombanın 1939-cu ildən istehsal edilən Mark 65 olduğunu müəyyən edib. Həmçinin məlum olub ki, mərmi hərəkətsizdir və buna görə də insanlar üçün təhlükəsizdir.
Bombaların aşkar edildiyi hava limanı əvvəllər II Dünya Müharibəsi bombardmançılarının təlim keçdiyi Brooksville Ordu Aerodromu olub.
