Bir çox işçi gərgin iş saatlarından sonra yorucu günün hər bir detalını təhlil etməkdə çətinlik çəkir.
Hafta.az-ın CNBC-yə istinadən yazdığına görə, yataqda uzanarkən və ya filmə baxarkən işlədiyiniz zamandan daha çox işinizlə bağlı stress keçirdiyinizi görə bilərsiniz.
Psixoloq Qay Vinç bunun sadə izahının olduğunu deyib; “Biz işdə həqiqətən məşğuluq və bizi nəyin kədərləndirdiyini düşünməyə çox vaxtımız yoxdur. Biz bunu bir az boş vaxt olanda edirik və bu, adətən qeyri-iş saatlarında olur. Bu müdaxilə edən düşüncələri boğmağın və stresli bir iş günündən tamamilə qurtulmağın açarı istirahət etmək yox, zehnini aktiv şəkildə başqa bir şeyə yönəltməkdir".
Vinç həmçinin deyir: “İnsanlar zehni bərpanı istirahət kimi düşünürlər. İşdən sonra istənilən ölçüdə ekranın qarşısında oturub diqqətimizi yayındırmağa çalışırıq. İstirahət faydalı və vacib olsa da, tapmacanın yalnız bir parçasıdır. Yəqin ki, siz sosial mediada gəzərkən və ya televizora baxdığınız zaman beyninizin işdəki məyusluqlara fokuslanmağa başladığını görürsünüz. Bunun səbəbi, insanların çoxunun işi haqqında düşünməkdən “heç nə haqqında düşünməməyə” keçə bilməməsidir”.
Vinin fikrincə, işdən ayrılmaq o deməkdir ki, fikrinizi iş zehniyyətindən başqa bir şeyə keçirməlisiniz. Siz sadəcə istirahət etməkdənsə, enerjinizi doldurmalısınız. Bu, sizi həqiqətən cəlb edən fəaliyyətdə iştirak etmək deməkdir.
Bunun çox vaxt aparan bir hobbi olmasına ehtiyac olmadığına, 30 dəqiqə məşq etmənin və ya tapmacanın həllinin kafi ola biləcəyinə işarə edən Vinç: “Ofisdə olduğumuz zaman, biz iş personasındayıq və şəxsi mənliyimizə açıqlıq verməliyik. İşdən kənarda etmək istədiyiniz hər şey sadəcə oturmaq olsa belə, özünüzü işinizlə əlaqəli olmayan bir şey etməyə məcbur etmək faydalıdır. İşdən sonra biz adətən yoruluruq və heç nə etmək istəmirik. Yorğun olsanız belə, bunu etdikdən sonra özünüzü daha gümrah hiss edəcəksiniz” deyib.
