Əvvəllər Qəzzada İsrail ordusu diviziyasının komandir müavini vəzifəsində çalışmış briqada generalı Əmir Avivi deyib ki, bir-iki həftə ərzində İDF Qəzza zolağının şimal hissəsinə tam nəzarət edəcək.
“Bura çox sıx məskunlaşan ərazidir, HƏMAS-ın qalasıdır. Coğrafi baxımdan bu, Qəzza zolağının yalnız 20%-ni təşkil etsə də, bu, mühüm nailiyyətdir”, o, BBC-nin Nyuşour proqramına deyib.
“Biz indi həlledici andayıq. Getdikcə daha çox terrorçu təslim olur”, - təqaüddə olan İsrail əsgəri deyir.
Onun sözlərinə görə, münaqişə daha iki ay davam edə bilər.
İsrailin baş naziri isə bildirib ki, onlarla Həmas yaraqlısı “silahlarını yerə qoyub təslim olurlar”.
Benyamin Netanyahunun sözlərinə görə, “müharibə tam sürətlə gedir” və tam məğlubiyyət daha çox vaxt aparacaq, lakin bu, “Həmas üçün sonun başlanğıcıdır”.
“HƏMAS terrorçularına deyirəm: bitdi. Sinvar üçün ölməyin. İndi təslim ol”, o deyib.
