Yazını böyüt
Yazını kiçilt
Masallıda yaşayış evində yanğın olub, xəsarət alan var.
Hafta.az xəbər verir ki, yanğın hadisəsi Masallı şəhərində ümumi sahəsi 336 m² (hər mərtəbəsi 168 m²) olan ikimərtəbəli 7 otaqlı evdə qeydə alınıb.
Belə ki, yanğın zamanı evin 2-ci mərtəbəsində 3 otağın tavanı 136 m² sahədə yanıb. Yüksək temperaturdan dam örtüyünün taxta atmaları 24 m² sahədə qarsalanıb.
Yanğın nəticəsində 1 nəfər - 1974-cü il təvəllüdlü Müşfiq Səfərov yanıq xəsarəti alaraq xəstəxanaya çatdırılıb.
Alovun qarşısı yanğından mühafizə bölmələri tərəfindən alınıb.
Faktla bağlı araşdırma aparılır.
