Məşhur aktyor dünyasını dəyişdi

14:46 23.01.2022 Müəllif:Hafta.az
Yazını böyüt
Yazını kiçilt

Rusiyanın Əməkdar artisti, Vladimir Mayakovski adına Moskva Akademik Teatrın aktyoru Rəsmi Cəbrayılov 90 yaşında vəfat edib.

Hafta.az xəbər verir ki, bu barədə teatrın "Facebook" səhifəsində məlumat paylaşılıb.

Qeyd edək ki, əslən dağıstanlı olan Rəsmi Cəbrayılov 1932-ci il dekabrın 8-də Rusiyanın Dağıstan respublikasının Qasımkənd rayonunda anadan olub.

R.Cəbrayılov 1964-cü ildən Taqanka Teatrında çalışıb. 2002-ci ildə Vladimir Mayakovski adına Moskva Akademik Teatrının truppasına daxil olub. R.Cəbrayılov 2019-cu ildə milli mədəniyyətin və incəsənətin inkişafındakı böyük xidmətlərinə və uzun illər səmərəli fəaliyyətinə görə II dərəcəli “Vətənə xidmətə görə” ordeni ilə təltif edilib.

O, Azərbaycan kinosunda “1001-ci qastrol!, “De ki, məni sevirsən!”, “İşgüzar səfər”, “Nizami”, “Bəyin oğurlanması”, “Alman klinikasına şəxsi səfər” və “Ölsəm... bağışla” filmlərində maraqlı obrazlar yaradıb.

Oxunma sayı 27