Nyu-York meri Erik Adams hər gün çox sayda qaçqının pənah gətirdiyi şəhərdəki “immiqrant böhranı”nın üç il ərzində 12 milyard dollara başa gələ biləcəyini söyləyib.
Hafta.az-ın yazdığına görə, statusundan asılı olmayaraq bütün yeni gələnləri pulsuz təcili mənzillə təmin etmək öhdəliyi ötən ilin aprel ayından etibarən Latın Amerikası və daha yaxınlarda Qərbi Afrikadan 100 minə yaxın sığınacaq axtaran şəxsin gəlməsi ilə sınaqdan keçirilir.
"Şəhər on minlərlə qaçqını sığınacaq, yemək və xidmətlə təmin etmək üçün 2023-cü ildə artıq 1,45 milyard dollar xərcləyib" deyə Afrikalı Demokrat Adams bildirib.
"Mövcud tendensiyalara əsaslanan yeni xərc təxminləri şəhərin siyasət dəyişikliyi olmadan üç il ərzində 12 milyard dollardan çox xərcləmə potensialına malik olduğunu göstərir. Bu, şəhər büdcəsinin 4 faizindən çoxu deməkdir", - o əlavə edib.
Partiyasının sol qanadı və hətta prezident Co Bayden administrasiyası ilə gərgin münasibətlər saxlayan mer belə deyib: “İmmiqrasiya Nyu-Yorkun – bütün ABŞ-ın hekayəsidir. Ancaq təxminən bir il əvvəl dediyim kimi, biz qaçqın böhranının səbəb olduğu görünməmiş fövqəladə vəziyyətlə üzləşirik”.
Nyu-Yorkun "təkbaşına idarə edə bilməyəcəyi milli böhranla" üzləşdiyini qeyd edən Adams, "Nyu Yorkluların şəfqəti sonsuz ola bilər, amma bizim resurslarımız belə deyil" bildirib.
İyulun sonundan bəri Seneqal, Mavritaniya və qonşu ölkələrdən olan yüzlərlə gənc yaşayış yeri tapmaq ümidi ilə Manhetten otelinin qarşısındakı səkidə yatıb.
Hazırda yataqxanalarda, mehmanxanalarda və boş mənzillərdə təxminən 108 min insan, o cümlədən 56 min qaçqın var.
Latın Amerikasından qeyri-qanuni immiqrasiya, xüsusilə 2024-cü ilin noyabrında keçiriləcək prezident seçkilərinə 15 ay qalmış ABŞ-da daxili siyasətin qaynar nöqtələrindən birinə çevrilib.
-1781531564.jpg&h=173&w=263&zc=1&q=80)
