Polşanın Şetsin şəhəri yaxınlığında dəmir yolu hərəkəti Rusiya himninin və Putinin çıxışından bir fraqmentin də səsləndirən naməlum şəxslərin sistemə müdaxiləsi səbəbindən bir müddət dayanıb.
Hafta.az xəbər verir ki, yerli “Wyborcza” nəşri bu barədə dəmir yolu işçilərinin məlumatlarına istinadla xəbər verir.
Hadisə cümə günü axşam saatlarında baş verib. Təxribatçılar dəmir yolunun istismarında istifadə olunan radio-tezliklərdən istifadə edərək, qatarların təcili dayandırılmasına səbəb olan siqnal göndəriblər. Daha sonra onlar Rusiya himnini və Putinin nitqindən bir parçanı ictiamiyyətə müraciət sistemləri vasitəsilə səsləndiriblər.
Nəşrin izah etdiyi kimi, sürücülərin istifadə etdiyi fövqəladə dayanma siqnalının texniki surətini çıxarmaq texniki mütəxəssislər üçün çətin deyil və konkret marşrutlar üçün tezliklər şifrələnmir və bu məlumatı ictimai domendə tapmaq olar.
Təcavüzkarlar saat 21:00 radələrində həyəcan siqnalı verməyə başlayıblar, o, maşinistlərə və yol-nəqliyyat məntəqələrinə gedib və 273 və 351-ci xətlərdə qatarların dayanmasına səbəb olub. Bu marşrutlar həyəcan siqnalı üçün müxtəlif tezliklərdən istifadə edir, lakin demək olar ki, eyni vaxtda yayımlanıb. Bir neçə yük qatarının da dayandığı məlumdur.
Oxşar hadisənin Vilkopolska voyevodalığı ərazisində də baş verdiyi iddia edilir.
-1781531564.jpg&h=173&w=263&zc=1&q=80)
