Qarabağda sülhməramlı missiyanın iştirakçılarının müharibə veteranları kimi tanınması təklif edilir. Bu barədə vedomosti.ru məlumat yayıb.
LDPR fraksiyasının deputatları müvafiq qanun layihəsini Dövlət Dumasına təqdim etmək niyyətindədirlər. İzahat qeydində 1988-ci ildə Dağlıq Qarabağ Muxtar Vilayətinə göndərilmiş hərbi qulluqçuların sayının 3600 nəfər olduğu bildirilir.
Xatırladaq ki, veteranların imtiyazlarına mənzillərdə 50 faiz endirim, pulsuz protezləşmə, sanatoriya müalicəsi, aylıq nağd pul ödəməsi və vergilərin ödənilməsi və kommunal xərclərin ödənilməsi üzrə güzəştlər daxildir.
Hərbi ekspert, Saratov Vilayət Dumasının deputatı Vyaçeslav Kalinin “Vedomosti”yə vəziyyəti şərh edib.O xatırladıb ki, nəinki Qarabağ veteranları müvafiq statusa malik deyillər.
"Bunların hamısı eyni zəncirin halqalarıdır: niyə Tacikistandakı döyüşçülər, Kuba böhranının iştirakçıları, digər gizli müharibələr, Koreyadakı aksiyalar və Misirdəki müharibə veteranları döyüş veteranları kimi tanınmayıb?" Kalinin bildirib.
Vyaçeslav Kalinin sözlərinə görə, veteran icması möhkəmlənir və tarixi ədalətin bərpası üçün fəal işləyir. Xüsusilə, söhbət Cənubi Osetiya (1991-1992), Abxaziya (1992-1993), Dnestryanı (1992), Dağıstan (1991-1993), eləcə də Osetiya-İnquş münaqişəsindəki (1992) toqquşmalardan gedir.
“On minlərlə insanı indi heç kim tanımır. Müharibələrin və hərbi kampaniyaların bütün iştirakçıları münaqişənin miqyasından asılı olmayaraq, müharibə veteranlarının hüquqlarına malik olmalıdırlar”, - Kalinin bildirib.
Ləman Əliyeva
