Bu ilin oktyabrında ruslar 20 yeni lüks avtomobil alıblar ki, bu da ötən ilin oktyabr ayı ilə müqayisədə 77% azdır. Bu barədə “Avtostat” analitik agentliyi “Pasport Industrial Consulting” ASC-nin məlumatlarına istinadən məlumat yayıb.
İtalyan markası Maserati satışda lider olub - son bir ayda dilerlər yeddi avtomobil satıblar. Reytinqdə sonrakı yerlərdə Bentley, Lamborghini və Rolls-Royce (hər biri üç avtomobil), ikisi satılan yerli brend Aurus və Ferrari ilə Aston Martin (hər biri bir avtomobil) qərarlaşıb.
Lüks seqmentli avtomobillərin 80%-i Moskva vilayətində alınıb. Belə avtomobillərdən ikisini Tatarıstan, birini isə Kurqan və Sverdlovsk vilayətlərinin sakinləri alıblar. Ümumilikdə, ilin əvvəlindən yeni lüks avtomobillər bazarının həcmi 315 nüsxə təşkil edib ki, bu da ötən ilin on ayı ilə müqayisədə 60% azdır.
