Britaniya kralı III Çarlzın kiçik oğlu şahzadə Harri Nyu-Yorkda keçirilən xeyriyyə tədbirində çıxış edib. O, dəyişkən iqlim və sosial medianın mənfi təsirləri səbəbindən 5 yaşlı oğlu Arçi və 3 yaşlı qızı Lilibetin gələcəyindən narahat olduğunu bildirib.
Hafta.az-ın “Korrespondent.net”ə istinadən yazdığına görə, Şahzadə Harrinin Nyu-Yorkdakı İqlim Dəyişikliyi Həftəsi zamanı o, Afrikanın cənub hissəsində yerləşən Lesotoya maliyyə dəstəyinin vacibliyini vurğulayıb və ölkənin rəsmi dili olan Sesoto dilində çıxış edib.
Şahzadə Harri həmçinin qeyd edib ki, 22 iyul 2024-cü ildə dünyada rekord ən isti gün yaşanıb: orta qlobal temperatur 17,09 dərəcə və ya 62,76 dərəcə Farenheyt təşkil edib.
Travalyst Xeyriyyə Fondu Lesoto və Botsvanada tibbi xidmətlərə çıxışı yaxşılaşdırmaq üçün çalışır.
Bundan əlavə, Şahzadə Harri özünün Travalist xeyriyyə tədbirində turizmin təsirindən danışıb: “Mən öyrəndim ki, səyahət və turizm həm yaxşı, həm də pis ola bilər. Bu ərazidən necə istifadə olunmasından asılı olaraq, ya böyük fayda gətirəcək, ya da attraksionlara və sakinlərə böyük ziyan vuracaq”.
Şahzadə Harrinin Nyu Yorka səfəri səkkiz gün davam edəcək. Həyat yoldaşı Meqan və uşaqları Kaliforniyanın Montesito şəhərində evdə qalıb.
