Şəhid ailəsi üzvü olan 16 müəllim iş yerini dəyişdirmək imkanı qazanıb

17:41 16.05.2022 Müəllif:Hafta.az
Yazını böyüt
Yazını kiçilt

Şəhid ailələrinin üzvləri üçün 10-14 may tarixlərində keçirilən müəllimlərin iş yerinin dəyişdirilməsi müsabiqəsinin vakansiya seçimi mərhələsinin nəticələri elan olunub.

Təhsil İnstitutunun İnsan Resursları Mərkəzindən hafta.az-a verilən məlumata görə, namizədlər şəxsi səhifələrinə daxil olaraq vakansiya seçiminin nəticələri ilə tanış ola bilərlər.

Elektron yerləşdirmə zamanı 16 nəfər şəhid ailəsi üzvü müəllim iş yerini dəyişdirmək imkanı qazanıb. Növbəti mərhələdə uğur qazanan namizədlərin sənədlərinin yoxlanılması prosesi həyata keçiriləcək.

Qeyd edək ki, uğur qazanan namizədlərin sənədləri yoxlanıldıqdan sonra uyğun namizədlər tutduqları vakansiyaya təyin olunacaq. Sənədlərin yoxlanılması prosesi ilə bağlı məlumat namizədlərin şəxsi səhifəsinə göndəriləcək.

Oxunma sayı 29