Yazını böyüt
Yazını kiçilt
Taliban lideri Hibatullah Axundzadə Əfqanıstan rəsmilərinə hökumət vəzifələrinə işə götürdükləri qohumlarını işdən çıxarmağı əmr edib.
Axundzadənin fərmanında qeyd olunur ki, məmurlar vəzifəyə təyin olunmuş oğulları və ya digər ailə üzvlərini işdən çıxarmalı və gələcəkdə qohumlarını işə götürməkdən çəkinməlidirlər.
Taliban 2021-ci ildə hakimiyyətə gəldikdən sonra bəzi yüksək vəzifəli məmurları işdən çıxarıb, digərləri isə qaçıb.
Pakistanda yerləşən Əfqan İslam Mətbuatı bildirib ki, bu fərman bir neçə yüksək vəzifəli Taliban məmurunun öz oğullarını hökumətdəki vəzifələrə təyin etməsi ilə bağlı şayiələrdən sonra verilib.
Fərmanın fotosu şənbə günü İnzibati İşlər İdarəsinin Twitter səhifəsində yerləşdirilib.
