Rusiyanın özəl hərbi konsaltinq şirkəti RSB Group-un direktoru Oleq Krinitsyn RTVI saytına müsahibəsində Rusiyanın Suriyada mövqelərini itirməsi məsələsində Türkiyəni hədəfə alıb.
Hafta.az-ın yazdığına görə, 1963-cü ildən Suriyada hakimiyyətdə olan BAAS Partiyasının hökmranlığı 2024-cü il dekabrın 8-də başa çatıb. Suriya dövlət televiziyası Rusiyayönlü və hərbi cinayətkar Bəşər Əsədin devrildiyini və həbsdə olan bütün məhbusların azad edildiyini bildirib.
Məlum olduğu kimi, Əsəd rejiminin Suriyada hərbi cinayətləri və qırğınlarının arxasında duran aktyor Rusiya olub. Rusiyanın Suriyada strateji Tartus limanı və Hmeymim hərbi bazası var. Lakin rejimin devrilməsindən sonra rusların burada mövcudluğunu davam etdirib-etməyəcəyi maraq doğurub.
Rusiya mətbuatında yer alan xəbərə görə, Hərbi Hava Qüvvələrinin keçmiş pilotu və kapitan İlya Tumanov adlı rus şovinist hərbi mövzu ilə bağlı "Suriyanı tərk edirik. Təchizatların çıxarılması üçün hazırlıqlara başlanılıb. Suriya bitdi. Türklər Suriyanı döyüşmədən aldılar. Göründüyü kimi, bir nöqtəyə çatdıq. Türkiyə ilə razılaşma artıq onlarındır. Onlar bizi yenə kürəyimizdən bıçaqladılar" deyib.
Digər tərəfdən, Rusiya mətbuatında mövzu ilə bağlı başqa bir açıqlama Rusiyada Oleq Krinitsin adlı özəl hərbi məsləhət şirkətinin sahibindən gəlib. Sovet İttifaqı dövründə Qazaxıstanın Almatı şəhərində DTK məktəbində təhsil alan rus şovinist Tacikistan-Əfqanıstan sərhədindəki silahlı münaqişə zonasında xidmət edib. Krinitsin daha sonra RSB Group şirkətini qurub.
Krinitsinin Türkiyəni hədəf alan və rusların Türkiyəyə qarşı düşmənçilik siyasətini ümumiləşdirən açıqlamaları belədir: "Suriyada gördüklərimiz Türkiyənin apardığı vəkil müharibəsidir. Türkiyəni yaxın dostumuz kimi görməməliyik. Bizə pomidor göndərirlər, turistlərimiz ora gedib pul qoyurlar. Amma unutmaq lazım deyil ki, türklər bizim təyyarələrimizi vurublar və səfirimiz də orada öldürülüb”.
Hərbi konsaltinq şirkətinin direktoru Türkiyənin Rusiyanın hücumları altında olan Ukraynaya dəstəyini də tənqid edib və deyib: “Rusiya rahatlaşmamalı və Türkiyəni yaxın dost hesab etməməlidir. Ankara Suriyanın böyük bir hissəsini ələ keçirmək istəyir. Rusiya demək olar ki, bütün Qərb dünyası ilə müharibə vəziyyətində olduğu bir vaxtda türklər səssizcə dost olduqlarına and içir və guya dəstək vəd edir, lakin onlar Ukraynaya qarşı döyüşürlər. Bayraktarları göndərərək Ankaranın istədiyi kimi müharibənin həll olunacağı platforma yaratmağa çalışırlar".
Üstəlik, Türkiyənin Suriyadakı təsirini həzm edə bilməyən rus şovinist Türkiyəni Putin Rusiyası ilə eyni səviyyəyə qoyub. Türkiyənin Suriya ərazisi ilə bağlı referendum keçirəcəyini və onu ilhaq edəcəyini deyən təhlükəsizlik eksperti Ukraynada davam edən hərtərəfli işğal cəhdinə və hücumlara məhəl qoymayıb. Krinitsin, "Dost dediyimiz türklər Vaqnerin və rus ordusunun geri çəkilməsini öz siyasi planlarımıza görə fürsət bilib Əsədə hücum etdilər. Böyük ehtimalla neft və təbii qazın cəmləşdiyi bölgələr alınacaq. Daha sonra Türkiyə tərəfindən referendum keçiriləcək və bu bölgələr Türkiyəyə təhvil veriləcək", - deyib.
Digər tərəfdən, Oleq Krinitsin, "Rusiya Suriyanı tərk edə bilməz, çünki bizim limanımız və bazamız var. Aralıq dənizi, Qara dəniz, Qırmızı dəniz və Hind okeanında üzən gəmilərimizin yanacaq təchizatı, qida və bir sıra gəmilərdən ibarət bu bazaya ehtiyacı var. Buna görə də biz gedə bilmərik. Bu, siyasi və strateji baxımdan vacibdir".
1963-cü ildən Suriyada hakimiyyətdə olan BAAS Partiyası 2024-cü il dekabrın 8-i tarixidir. Suriya dövlət televiziyası Rusiyayönlü və hərbi cinayətkar Bəşər Əsədin devrildiyini və həbsdə olan bütün məhbusların azad edildiyini bildirib.
Noyabrın 27-də Suriyanın şimalında Hələb vilayətinin qərbində Əsəd rejimi qüvvələri ilə rejim əleyhinə silahlı qruplar arasında qarşıdurma başlayıb. Noyabrın 30-da Hələbin mərkəzinin böyük hissəsini rejim güclərindən alan rejim əleyhdarı qruplar eyni gündə bütün İdlibdə nəzarəti ələ keçirib. Qruplar dekabrın 5-də şiddətli toqquşmalardan sonra Həma şəhərinin mərkəzini rejim güclərindən ələ keçirib.
Rejim əleyhdarı qruplar paytaxt Dəməşqə açılan strateji əhəmiyyətli Homs vilayətində bəzi yaşayış məntəqələrini ələ keçirərək irəliləməyə başlayıb. Dekabrın 6-da Suriyanın İordaniya sərhədindəki Dera vilayətində əməliyyata başlayan hərbi müxaliflər toqquşmalardan sonra əyalət mərkəzini rejim güclərindən geri alıb. Dekabrın 1-də Suriya Milli Ordusunun Hələb çölündə terror təşkilatı PKK/YPG-yə qarşı başlatdığı “Azadlıq Şəfəqi” əməliyyatı zamanı Tel Rıfat rayon mərkəzi terrordan azad edilib.
Noyabrın 27-dən bəri Əsəd rejimi qüvvələri ilə qarşıdurma davam edən Heyət Təhrir əl-Şamın (HTŞ) başçılıq etdiyi rejim əleyhdarı qruplar Humusun kənarından Sanayi və Küsur ərazilərinə girdikdən sonra içərilərə doğru irəliləməyə davam ediblər. Qruplar Humusun Meşrefe, Kefernan, Tulul Humur, Zeytunə, İzzəddin və Aydın kəndlərini də rejim güclərindən ələ keçirib. Daha sonra müxaliflər Dəməşqə yürüş edərək paytaxtda idarəetməni ələ alıblar. Müxaliflər Əsədin sarayı, baş nazirlik və nazirliklər də daxil olmaqla bütün qurumlara hakim kəsilib.
