İtaliya, Fransa və Almaniya Avropa İttifaqını HƏMAS hərəkatı və onun tərəfdarlarına qarşı xüsusi sanksiyalar rejimi tətbiq etməyə çağırıb. Bu barədə Reuters agentliyi üç ölkənin xarici işlər nazirlərinin Aİ diplomatiyasının rəhbəri Xosep Borrelə birgə məktubuna istinadən məlumat yayıb.
“Biz HƏMAS və onun tərəfdarlarına qarşı xüsusi sanksiya rejiminin yaradılması təklifinə tam dəstəyimizi bildiririk”, – agentlik məktubdan bir parça sitat gətirir.
Xarici siyasət rəhbərləri qeyd ediblər ki, belə bir sanksiya rejiminin sürətlə qəbulu bizə Avropa İttifaqının HƏMAS-a qarşı mübarizəyə sadiqliyi və İsraillə həmrəyliyi ilə bağlı güclü siyasi siqnal göndərməyə imkan verəcək.
Bununla belə, HƏMAS-a qarşı xüsusi sanksiya rejiminin nəyi nəzərdə tutduğu açıqlanmır.
