Fransa Prezidenti Emmanuel Makron Avropanın müdafiə sənayesinin gələcəyini formalaşdıracaq vacib bir addımı açıqladı. Artan qlobal təhdidlər dövründə strateji muxtariyyəti vurğulayan Makron, Almaniya və Böyük Britaniya ilə birlikdə uzaq mənzilli raketlərin birgə hazırlanması və istehsalı üçün konsorsiumun yaradıldığını elan etdi. Bu addım qitənin müdafiə qabiliyyətini artırmağa yönəlmiş ən konkret təşəbbüslərdən biri hesab olunur.
Hafta.az yazır ki, nüvə sualtı qayıqlarının yerləşdirildiyi Fransanın qərbindəki Brest şəhərindəki İle Longue bazasında çıxış edən Makron müttəfiqlərlə əməkdaşlığın vacibliyini vurğuladı.
Bu yeni konsorsium təkcə hərbi istehsal tərəfdaşlığı deyil, həm də Avropanın strateji müstəqilliyi naminə atılan siyasi addım kimi qəbul edilir. Makron həmçinin qeyd edib ki, "inkişaf etmiş çəkindirmə" mərhələsi Avropa müttəfiqlərinə Fransanın çəkindirmə təlimlərində iştirak imkanı verəcək. Geosiyasi gərginliyin artdığı bir dövrdə Fransa da nüvə strategiyasında köklü dəyişikliklər edir. Rusiyadan gələn təhdidlərin artdığı və ABŞ ilə müttəfiqlik münasibətlərinin şübhə altına alındığı bir atmosferdə Makron ölkəsinin nüvə arsenalını genişləndirəcəyini açıqlayıb. Fransa Prezidenti müdafiə doktrinasında bu dəyişikliyi təəccüblü ifadələrlə ifadə edərək deyib: "Onlar bizdən qorxmalıdırlar ki, azad ola bilək".
