Ukrayna və Rusiya müharibədə pilotsuz təyyarələrdən fəal istifadə edir və Ukrayna bu döyüşdə tərəzinin gözünü öz xeyrinə çevirir.
Hafta.az “UNİAN”a istinadla xəbər verir ki, bu barədə ABŞ-ın məşhur “Newsweek” nəşri ekspertlərin rəyinə istinadla yazır.
Britaniyalı pilotsuz təyyarələr üzrə ekspert Stiv Rayt “Newsweek”-ə açıqlamasında belı deyib:
“Mən düşünmürəm ki, Ukraynanın pilotsuz təyyarələrlə bağlı münaqişədə qalib gəldiyinə dair hansısa şübhə var...”
Nəşr qeyd edir ki, Ukraynadakı müharibə pilotsuz uçuş aparatları texnologiyalarının inkişafının sürətlənməsinə səbəb olub. Həm Kiyev, həm də Moskva qüvvələrini pilotsuz maşınlarla gücləndirmək üçün əllərindən gələni ediblər və Raytın sözlərinə görə, döyüş “çox tez kəskinləşib”.
Ukrayna "pilotsuz təyyarə ordusu" yaratmaq üçün vaxt və pul xərcləyib, lakin Rusiya da öz Silahlı Qüvvələrini tamamlamaq üçün dron texnologiyasından istifadə edir.
Rusiya pilotsuz təyyarələrindən ən məşhuru İran istehsalı olan “Şahed” pilotsuz təyyarələridir. Mütəxəssislər deyirlər ki, "Şahed" dronları Moskvaya pilotsuz təyyarələrin zərbələri zamanı qeydə alınan görüntülərdə görünən yeni dronla nisbətən oxşardır.
Xüsusilə, yeni "Bober" pilotsuz təyyarəsi Rusiya paytaxtında dron hücumları ilə bağlı bir neçə videoda görünüb. Təhlilçilər deyirlər ki, həmin dron münaqişənin başqa heç bir yerində görünməyib və ehtimal ki, əvvəllər mövcud olan hissələrin və dizaynların yeni birləşməsindən ibarətdir.
-1781531564.jpg&h=173&w=263&zc=1&q=80)
