Kommunist Partiyasının lideri Gennadi Zyuqanov Rusiya Federasiyası Dövlət Dumasının payız sessiyasının ilk plenar iclasında çıxış edərək bildirib ki, Ukraynadakı “xüsusi əməliyyat” genişmiqyaslı müharibəyə çevrilib.
Hafta.az-ın məlumatına görə, Rusiya Federasiyası Kommunist Partiyasının lideri qeyd edib ki, belə “çətin və gərgin vəziyyətdə” Dumanın sessiyası hələ açılmayıb. Onun sözlərinə görə, Dövlət Dumasının məzuniyyətə sərf etdiyi iki ay ərzində vəziyyət, o cümlədən cəbhədə “kəskin” dəyişib.
“Ukraynada nasistlərə, Bandera, faşistlərə qarşı hərbi-siyasi əməliyyat amerikalılar, NATO üzvləri və vahid Avropa tərəfindən bizə elan edilmiş tam hüquqlu müharibəyə çevrildi... Müharibə və xüsusi əməliyyat kökündən fərqlidir. Xüsusi əməliyyat elan edib onu dayandıra bilərsiniz. İstəsəniz belə, müharibəni dayandıra bilməzsiniz. Bütün yolu getməli olacaqsınız. Müharibənin iki nəticəsi var: ya qələbə, ya da məğlubiyyət”, - Zyuqanov bildirib.
