Bloomberg 2022-ci ildə qlobal iqtisadiyyatın əsas riskləri ilə bağlı proqnozunu açıqlayıb. Nəşrin fikrincə, bazarlar üçün əsas təhlükə Ukrayna və Tayvanda qeyri-sabit vəziyyətdir.
Hafta.az Bloomberg-ə istinadla bildirir ki, ilk beş əsas və ən əhəmiyyətli risklərə aşağıdakılar daxildir.
Koronavirusun omikron ştammının yayılması - əgər onun digərlərindən daha təhlükəli olduğu ortaya çıxsa, qlobal iqtisadiyyat 4,2%-ə qədər yavaşlaya bilər (əks halda, iqtisadi artım 5,7% ola bilər, çünki dünya yenidən pandemiya başlamazdan əvvəlki normal vəziyyətə qayıdacaq).
Rusiya ilə Ukrayna arasında gərginlik qazın bahalaşmasına səbəb ola bilər.
Təbii fəlakətlər ərzaq qiymətlərinin bahalaşmasına səbəb olacaq.
ABŞ Federal Ehtiyat Sisteminin baza faiz dərəcəsini artırması inkişaf etməkdə olan bazarlardan kapital axınına səbəb olacaq.
Tayvan ətrafında hər hansı bir eskalasiya Çin və ABŞ arasında "ən pis vəziyyət" müharibəsinə və ya bütün bazara təsir edə biləcək sanksiyalara səbəb ola bilər.
Qeyd olunur ki, buna baxmayaraq, “ekspertlərin çoxu iqtisadiyyatın inamlı bərpasını, qiymətlərin aşağı düşəcəyini və hökumətlərin fövqəladə pul-kredit siyasətindən çıxmasını gözləyirlər”.
Aİ-də ölkə liderlərinin həmrəyliyi və tənzimləyicinin siyasəti əvvəllər pandemiyanın nəticələrinin öhdəsindən gəlməyə kömək edirdi, lakin növbəti ildə bu amillərin əhəmiyyəti azala bilər. Çində enerji qıtlığı problemləri daha az kəskinləşə bilər.
