Məşhur aktyor, “Ailələr yarışıyor” şousunun keçmiş aparıcısı Ufuk Özkan səhhəti ilə bağlı yayılan xəbərlərlə bağlı açıqlama verərək, "Orqan transplantasiyası zərurət yaranarsa, təbii ki, vəziyyətim mütəmadi olaraq mütəxəssis həkimlər tərəfindən izlənilir" dedi.
Hafta.az-ın yazdığına görə, “Geniş ailə” serialında “Cəvahir” obrazı ilə parlayan 48 yaşlı Ufuk Özkanın 3-cü dərəcəli siroz xəstəsi olduğu məlum olub. “Cənazəmizə xoş gəldin” filminin çəkilişində iştirak edən Ufuk Özkanın ötən il qaraciyər yağlanması səbəbindən 17 kilo arıqlayıb. Məlumatda deyilir ki, orqan nəqli üçün növbəyə duran aktyor haqqında həkimlər “9-12 ay ömrün var, mütləq orqan köçürmək lazımdır” deyib.
Xəbərdən sonra Ufuk Özkan bunları deyib: “Artıq bir müddətdir ki, qaraciyərimdə problemlər var. Orqan transplantasiyasına ehtiyac olarsa, təbii ki, mənim vəziyyətim mütəmadi olaraq mütəxəssis həkimlər tərəfindən nəzarətdə saxlanılır. İnkişaf edə biləcək proseslərlə bağlı əvvəlcədən müzakirələr aparılır. Yaxınlarımdan narahatlıq mesajları aldım və çox üzgünəm. Həyat bizi xəstəliklərlə yaşamağı öyrənməyə məcbur edir, amma mən heç vaxt bu proseslərin işimə təsir etməsinə imkan verməmişəm. Bu gündən sonra da Allah qoysa elə bir niyyətim yoxdur, ən qısa zamanda yeni serial və filmlərlə qarşınıza çıxacam. Bütün sevgi və dua dolu mesajlarınız üçün çox sağ olun”.
Səhv pəhriz saxladığı və buna görə də immun sisteminin çökdüyü iddia edilən Özkan 17 kilo arıqlayıb.
Bildirək ki, Ufuk Özkan Azərbaycanda “Zəngin kız, fakir oğlan”, “Kalk gidəlim” seriallarında oynadığı əvəzsiz baş rolları ilə sevilib.
