Amazon şirkətinin rəhbəri Andy Jassy 18.000-dən çox insanı işdən çıxarmağı hədəflədiklərini açıqlayıb. Şirkətdən bu addımı xərclərini azaltmaq üçün atdıqlarını, işdən çıxarılan şəxslərə yanvarın 18-də məlumat veriləcəyini bildiriblər. Bu rəqəm şirkətin təxminən 300.000 işçisinin yüzdə 6-sına uyğundur.
Bu yaxınlarda istehlakçılar xərclərini azaltdıqca, böyük texnologiya şirkətləri xərclərini azaltmaq üçün işçiləri ixtisar etməyə başladılar. Amazon noyabr ayında işçilərini ixtisar edəcəyini açıqlasa da, təfərrüatları açıqlamayıb.
"Biz işdən çıxardığımız insanlara kompensasiya verəcəyik, müvəqqəti tibbi sığorta təmin edəcəyik və onlara iş tapmağa kömək edəcəyik" deyib CEO Jassy.
Jassy ixtisarların hansı ölkələrdə baş verəcəyini açıqlamayıb, lakin lazım gəldikdə Avropa ölkələrindəki işçi təşkilatları ilə də əlaqə saxlayacaqlarını bildirib. Keçən il Türkiyə mətbuatında çıxan xəbərlərdə Amazon Türkiyə-də 500-dən çox adamın işlə təmin olunduğu, payızda açılan logistika bazası ilə bir ildə 1000 iş yeri açacağı qeyd edilmişdi.
Pandemiya dövründə sürətlə böyüyən şirkət, bu yaxınlarda işə götürməyi dayandırıb.
