Avropa İttifaqı (Aİ) 2022-ci ildə Baltikyanı ölkələrdə bahalaşan qiymətlər fonunda 2023-cü ildə inflyasiyanın kəskin artması təhlükəsi altındadır. Bu barədə Financial Times xəbər verir.
Avropada inflyasiya son dəfə bir neçə onilliklər əvvəl müşahidə olunan səviyyəyə çatıb. Lakin Estoniya, Latviya və Litva kimi ölkələrdə qiymət artımı Aİ üçün daha böyük xəbərdarlıq oldu. 2022-ci ilin yayında bu regionda inflyasiya 20%-dən çox olub və hələ də 21%-dən yuxarıdır. Bu, artan enerji qiymətlərinin təsirini davam etdirdiyi üçün qış və yaz aylarında inflyasiyanın yüksək qala biləcəyi digər Aİ ölkələri üçün bir növ həyəcan siqnalı oldu.
Baltikyanı ekspertlər bildiriblər ki, qərbli həmkarları rekord inflyasiya fonunda etirazların olmamasına və belə sakitliyə təəccübləniblər. Analitiklərin fikrincə, Baltikyanı ölkələrdə inflyasiya həm də ona görə yüksəkdir ki, bu regionda insanlar orta hesabla əksər Avropa ölkələrindən daha az qazanırlar. Yəni qazancın əsas hissəsi qiymətləri ən çox bahalaşan zəruri mallara xərclənir.
Analitiklər hesablayıblar ki, 2023-cü ildə Avropada inflyasiya 8-9%-dən aşağı olmayacaq. Eyni zamanda, enerji daşıyıcılarının qiyməti rekord həddə qalxmasa belə, digər mallar Avropa Mərkəzi Bankının göstəricilərini ciddi şəkildə ən azı 2% üstələyərək bahalaşmağa davam edəcək.
