Çin startapı XPeng 2025-ci ilə qədər AeroHT uçan elektrik avtomobilini kütləvi istehsala buraxmaq niyyətindədir. Bu barədə Bloomberg məlumat yayıb. İstehsalçı gələcəyin avtomobilini 140 min dollar qiymətləndirib.
AeroHT səkkiz pervane və dörd elektrik mühərrikinin köməyi ilə on metrlərlə havaya qalxa bilir. Çox vaxt elektromobilin yerdə hərəkət edəcəyi və yalnız yoldakı maneələri və ya tıxacları dəf etmək üçün səmaya qalxacağı gözlənilir. Startapın yaradıcısı Zhao Deli hesab edir ki, onun şirkətinin yolunda əsas problem texnoloji çətinliklər deyil, tənzimləyici məhdudiyyətlərdir, çünki belə avtomobilin sahibinə təkcə sürücülük vəsiqəsi deyil, həm də pilot vəsiqəsi lazım ola bilər.
Məlumdur ki, AeroHT həm də hava taksisinin yaradılması üzərində işləyir. Qurğunun nümayiş uçuşları bu ilin oktyabrında Dubayda baş tutub.
