BMT-nin Ümumdünya Ərzaq Proqramının (ÜƏP) icraçı direktoru Devid Bisli kəskin qida çatışmazlığından əziyyət çəkən insanların sayının 349 milyon nəfərə qədər artacağını proqnozlaşdırır.
O, bu barədə “Time” jurnalına müsahibəsində bildirib.
Beasley ac insanların sayının artmasına səbəb kimi yüksək gübrə qiymətləri, quraqlıq, tədarük zəncirlərinin pozulması, yanacağın qiymətinin artması və nəqliyyat xərclərini, münaqişələr və sağlamlıq vəziyyətini göstərib.
"6 il əvvəl vəzifəyə başlayanda 80 milyon insan aclıqdan əziyyət çəkirdi. Koronavirus pandemiyası başlamazdan əvvəl onların sayı münaqişələr və iqlim sarsıntıları səbəbindən 135 milyona çatmışdı. Pandemiya ilə bu rəqəm 276 milyona çatdı. Ola bilsin ki, 2023-cü ildə hamımız üçün kifayət qədər ərzaq olmayacaq". deyib.
Beasley-in sözlərinə görə, təkcə Ukrayna 400 milyon insanı qidalandıra bilər.
