KPMG audit firmasının sorğusuna əsasən, avtomobil istehsalçıları qlobal tənəzzül riskləri və tədarük zəncirləri ilə bağlı problemlər fonunda 2030-cu ilə qədər elektrikli avtomobillərə kütləvi keçidin mümkünlüyünü şübhə altına alıblar.
915 sənaye rəhbərinin 76 faizi yüksək əsas dərəcələr və artan inflyasiya ilə bağlı narahatlıqlarını ifadə edib və bunun gələn ildə onların biznesinə təsir edəcəyinə əmin olduğunu bildirib. ABŞ-da bu rəqəm 84 faizə çatıb.
Bütün bunların fonunda sənaye nümayəndələri elektrik avtomobillərinin ümumi avtomobil satışlarında payının ötənilki sorğuda gözlənilən qədər böyük olmayacağını gözləyirlər. Əgər 2021-ci ildə avtomobil istehsalçıları əmin idilər ki, 2030-cu ilə qədər satılan avtomobillərin 20 faizindən 70 faizə qədəri elektriklə işləyən avtomobillər olacaq, bu il bu pay 10-40 faizə düşüb.
ABŞ-da respondentlər arasında yekdil fikir ondan ibarətdir ki, elektrik avtomobilləri bütün yeni avtomobil satışlarının 35 faizini təşkil edəcək, keçən ilki 65 faizlik proqnozdan çox. Eyni zamanda, ABŞ prezidenti Co Baydenin administrasiyası ötən ilin sonunda bu rəqəmi 2030-cu ilə qədər 50 faizə çatdırmağı qarşısına məqsəd qoyub.
CNBC-nin məlumatına görə, bazarda elektromobillərin perspektivləri ilə bağlı nikbinliyin azalması federal güzəştlərə tələblərin sərtləşdirilməsi, akkumulyatorlar üçün mümkün xammal çatışmazlığı və rekord avtomobil qiymətləri ilə bağlıdır. “Uzunmüddətli perspektivdə hələ də nikbinlik var, amma daha da önəmlisi, qısa müddətdə realizm üstünlük təşkil edir. Bu, artıq göy qurşağı, kəpənəklər və eyforiya deyil, bu sağ qalma oyunudur”, - KPMG-nin avtomobil bazarı araşdırmasının rəhbəri Qari Silberq bildirib.
KPMG tərəfindən sorğu edilən sənaye nümayəndələrinin fikrincə, bazardakı böhrana baxmayaraq, Tesla bunda liderliyini qoruyub saxlayacaq. Bununla belə, bazarın əsas oyunçularından birinin bir neçə ildir öz elektromobilini hazırlayan texnologiya nəhəngi “Apple” olacağına dair ümumi rəy gözlənilməz oldu. “Apple”dan başqa, potensial liderlər onluğuna Audi, BMW, Ford, Honda, BYD Co., Hyundai-Kia, Mercedes-Benz və Toyota Motor da daxildir.
Sənaye üçün əsas problemlərdən biri yarımkeçiricilərin olmamasıdır, çünki elektromobillərin istehsalı daha təkmil çiplər tələb edir. Dekabrın 20-də Financial Times qəzeti qlobal avtomobil sənayesində yarımkeçirici çatışmazlığının ən azı 2023-cü ilin sonuna qədər davam edəcəyini yazıb.
