Gənclərin “Tənhalara Dayaq” İctimai Birliyi Azərbaycan Respublikası Gənclər Fondunun maliyyə yardımı ilə “ Bilik gücümüzdür ” layihəsi çərçivəsində dörduncü tədbirini 08 oktyabr 2020-ci ildə saat 14.00 təşkil etdi.
Layihənin məqsədi gənclər arasında zorakılığa qarşı mübarizə istiqamətində məlumatlandırıcı və maarifləndirici onlayn seminarların keçirmək və bu sahəyə ictimayyətin diqqətini cəlb etməkdir.
Pandemiya zamanı gənclərimiz qapalı vəziyyətdə olduqları üçün dəstəyə daha çox ehtiyacları var. Tədbirlər 10 gün keçiriləcək hər bir tədbirdə isə 15 nəfər gənc iştrak edəcək. Seminarların əsas məqsədlərindən biri gənclərimizin özgüvənlərin artırmaq, diqqətlərini təhsilə yönəltmək, həmyaşıdları ilə münasibət qurmaqda çətinlik çəkməməkdir.
Xatırladaq ki, Gənclərin “Tənhalara Dayaq” İctimai Birliyi 17 dekabr 2001-ci ildə təsis olunub. Təsis olunduğu dövrdən də, gənclərin formalaşmasında, bədii təxəyyülünün inkişafında, sosial problemlərinin həllində yaxında iştirak edərək, bir çox layihələr həyata keçirib.
