Moskva metrosunun "Arbatskaya" stansiyasındakı keçiddə ictimaiyyətin o qədər də məlumatlı olmadığı “fövqəladə partlayışdan mühafizə sistemi” işə salındıqda maraqlı görüntülər mediada əksini tapıb. Hadisədən sonra yaranan qısa çaxnaşmadan sonra stansiya normal iş rejiminə qayıdıb.
Hafta.az-ın yazdığına görə, Moskva Nəqliyyat Departamentinin Teleqram kanalında verilən açıqlamaya görə, sistemin idarə olunmasında qısa müddətli nasazlıq yaranıb və mühafizə qapısı qismən bağlanıb. Bildirilib ki, metropoliten əməkdaşları qapının parametrlərini nəzərdən keçirirlər.
Hadisə zamanı heç bir sərnişinə zərər dəyməyib, metro işçiləri cəld müdaxilə edərək mühafizə qapısını təşkil ediblər. Partlayışdan qoruyucu qapının işə düşməsi nəticəsində eskalator bir müddət işlək vəziyyətə düşüb.
Mətbuatda yayılan xəbərlərə görə, təhlükə anında avtomatik işə başlayan bu təhlükəsizlik qapıları metro stansiyalarında baş verə biləcək fövqəladə hallarda sərnişinləri qorumaq üçün nəzərdə tutulub. Bu mexanizmin Soyuq Müharibə dövründə metro stansiyalarının nüvə hücumu təhlükəsinə qarşı sığınacaq kimi istifadə edilməsi üçün yerləşdirildiyi və metro mühəndislərinin bu qapıların işini mütəmadi olaraq yoxladığı qeyd edilib.
