“Qarabağ”ın müdafiəçisi UEFA Avropa Liqasında ilk beşlikdə yer alıb

17:08 22.09.2022 Müəllif:Hafta.az
Yazını böyüt
Yazını kiçilt

“Qarabağ”ın müdafiəçisi Bəhlul Mustafazadə UEFA Avropa Liqasının qrup mərhələsinin oyunlarında ən çox top uzaqlaşdıran futbolçuların siyahısında yer alıb.

Hafta.az xəbər verir ki, bu barədə yarışın rəsmi feysbuk səhifəsi paylaşım edib.

İyirmi beş yaşlı müdafiəçi 2 görüşdə 8 dəfə buna müvəffəq olub. B.Mustafazadə bu göstəriciyə görə 3-5-ci yerləri bölüşdürür.

İlk sırada Ağdam təmsilçisinin qrupdakı rəqibi Fransa “Nant” klubunda çıxış edən Nikolya Pallua (12) qərarlaşıb. Macarıstanın “Ferentsvaroş” komandasının üzvü Sami Mmae (11) 2-ci pillədədir.

Qeyd edək ki, birinci turda Almaniyada “Frayburq”a 1:2 hesabı ilə uduzan “Qarabağ” növbəti oyununda Bakıda “Nant”ı 3 cavabsız qolla məğlub edib.

Oxunma sayı 1570