Hindistanda 25 yaşlı tibb bacısı Qazaxıstandan olan 50 yaşlı xəstəyə cinsi təcavüz etməkdə şübhəli bilinərək həbs edilib.
Hafta.az-ın “The Times of India”ya istinadən yazdığına görə, polis bildirib ki, qadın bazar günü Artemis xəstəxanasında diz artroskopiyası keçirib.
Polisin məlumatına görə, xəstə cümə günü qızı ilə birlikdə Hindistana gəlib. O, bazar günü əməliyyat olunub və sonra reanimasiya otağına aparılıb. İddialara görə, tibb bacısı qadının bezi dəyişdirilərkən ona nalayiq şəkildə toxunub. Xəstə əvvəlcə bunun səhv olduğunu düşünüb. Lakin təqsirləndirilən şəxs həmin gün ona bir neçə dəfə eyni formada təcavüz edib. Qadın bu barədə qızına danışmağa məcbur olub. Qızı da xəstəxana rəhbərliyinə məlumat verib, polisə müraciət edib və şübhəli həbs edilib.
"İddiaları nəzərə alaraq, hadisədə iştirak edən bütün tərəflərə ədalətli davranılmasını, həqiqəti üzə çıxarmaq və ədalətin təmin olunmasını təmin etmək üçün hərtərəfli və qərəzsiz araşdırma aparılmasını təmin etmək üçün səy göstərəcəyik", - xəstəxananın açıqlamasında deyilir.
